RAPAZAS
As rapaciñas da Chaira
son caladas e lanzales:
os ollos cor abelaira,
corpo de vimbios vinbiales.
Teñen gracia e sinxeleza
e unha sutil fermosura.
A Chaira deulles beleza,
a soidade, fondura…
Son mozas de moi bon ver
coa humildade da campaza.
¡O que percure unha muller
busque na Chaira rapaza!
PAN
O pan centeo é un tesouro:
semella a terra que o deu.
¡É como a terra de mouro
porque na terra naceu...!
GANDO
O gando da Terra Chá é
mui fermoso:
ollos grandes, corna levada
e pelo raso, fino, moi lustroso
e o paso lento cando fai a andada.
Eu vexo o país nos seus ollos
É mansel, ledo e comedido.
¡Sólo Anxelio boi ben dicido
pra que o conserve sempre de bon xeito!
ORBALLO
¿Serán bágoas da noite
cando tivo que morrer
as pingotas do orballo
tremelucindo ó mencer?
¿Ou son bágoas de ledicia,
as primeiras da mañán,
estas pingas de rosada
que sobre as cousas están?
